當年今日
關於我們

【冇對象】佘詩曼農曆年計劃帶阿媽出埠 想搵男仔陪去旅行

蘋果日報 2020/01/04 00:00

馬詩慧佘詩曼梁靖琪王曼喜王麗嘉

佘詩曼今日以代言人身份到金鐘出席開幕活動,同場還有吳嘉龍、馬詩慧及細女王麗嘉等。早前在內地拍劇的佘詩曼已收爐,農曆新聞亦可放假休息:「今年好開心,趁休息都去咗幾個旅行,日本、 泰國 同台灣,都係同啲女仔朋友去。我都想同男仔去旅行呀,希望盡快啦。」問她在大陸工作時可遇到心儀對象?阿佘笑謂:「都係合作對手咋,暫時冇發展對象。」
好友梁靖琪日前誕下囝囝Roman,阿佘透露BB剛剛照完燈出院,計劃這兩天會探望對方:「佢有send啲相畀我睇,BB好得意呀,似爸爸媽媽咁大隻眼。」她表示會買衫仔送給Roman:「做唔做契媽就唔知,不過我會買衫仔,啲BB衫好得意,好似買極都買唔完咁。」
至於她有份參與的《延禧攻略》,被指是外傳的《金枝玉葉》剛剛播映,阿佘表示未有機會欣賞,暫時亦未有消息會原班人馬再合作:「係就最好,因為大家好好朋友,好有默契,我哋都有聯絡。」她透露稍後應該會再到大陸開工,問她會否到武漢工作?阿佘表示暫時沒有,希望當地肺炎 疫情 盡快沒事。她表示平日會增強自己抵抗力:「休息多啲、食吓維他命,自己強壯最緊要。」
阿佘又表示農曆新年有計劃帶媽媽出埠,因為平日鮮有機會陪媽媽:「我都想陪佢整蘿蔔糕,佢好好客,年年都整十幾廿底送畀人。」問阿佘可有被媽媽催促帶女婿回家幫忙?她笑謂:「佢有三個姐姐(傭人)幫手,(男人)係識煮嘢就好,唔係仲麻煩。」
馬詩慧(Janet)與女兒王麗嘉到場,問她們可有見過大女王曼喜新伴侶Elaine?她表示有見過,早前一同欣賞音樂劇。有報導指Elaine已極速融入家中,Janet笑指自己易相處,所以很容易融入,對於Elaine的評價?Janet說︰「最重要都係佢自己(女兒)嘅感覺,我哋嘅感覺唔係唔重要,但係最尾都係佢自己同佢(Elaine)一齊。」
王麗嘉笑指家姐太快換畫:「我哋拍拖嘅方式好唔同,我次次都叫佢識耐啲先,佢唔聽我講之嘛。」Janet認為性格很難改變,大女的個性較易投入:「我哋旁觀者講就容易,佢(細女)就比較慢熱。」王麗嘉直言有一年沒拍拖,暫時亦沒有追求者:「我唔急,冇咩所謂,我唔會識到人,因為我唔出街,鍾意留喺屋企。」
empty
empty
empty
empty
empty
empty
empty
empty
empty
empty