賽車Game點解咁受車迷歡迎?皆因即使你更有錢都好,又或者好似小記咁做車版記者都好,都無乜可能試勻天下靚車,之但係喺5月29日推出嘅XBOX360新Game「ForzaMotorsport2」裏面,你就可以試盡超過300款來自Ferrari、Porsche、GM、Lamborghini及Volkswagen等超過50間著名車廠嘅名車,包括埋落場版跑車,而且仲可以自己換Parts,甚至連懸掛、齒輪比等都可以調校,改完車仲可以上網同人一較高下。隻Game咁好玩都只係賣$299,但就已經可以令車迷過足癮。