范湯皇前身為太安樓一間小店，被稱為傳媒人飯堂，大受同行名嘴歡迎。後來因加租而結業，最近在元朗重開，目前以私房菜形式營業，招待熟客，3月中才正式營業。

從前小店之所以受歡迎，因為店主兼大廚范太擅長做無味精小菜，用煮住家菜的態度來做給客人食，食材不新鮮不揀手不用，費盡心機炮製家常菜式。番茄牛肉飯是招牌之一，每天到街市採購肥美新鮮的番茄，加上炒香的牛肉，與每粒白飯配合得天衣無縫，一個人可以食一大碗。

香煎樹記腐皮卷同樣是受歡迎菜式之一，用樹記的腐皮，只作簡單調味，腐皮炸得香脆不膩。范太還有私伙靚湯，其中一款三棗木耳湯，用紅棗、南棗、蜜棗，材料好足，滋陰又養顏。另外還有好多名菜，平凡如滑蛋蝦仁，手勢比名店更好，蛋炒得水嫩細滑。餐廳人氣極盛，光顧前記得打電話預訂。

范湯皇
地址：元朗宏業南街22號虹方地下5號鋪
電話：9256 9993
營業時間：星期二至日 11:30am-3pm，6pm-11pm，星期一休息
詳情： http://bit.ly/2GSzMgG

註：私房菜$300/位起，2位起

採訪：李詠儀
拍攝：鄧廣基

更多新店食評
立即免費下載《飲食男女》App ： http://onelink.to/etwapp
《飲食男女》網站 ： http://etw.hk