韓國演藝圈近日掀起「#metoo」反性侵、性騷擾運動，多名男星被爆涉性騷擾、性侵等，警方亦已展開調查。韓劇《藍海傳說》女星文素利噚日出席「為營造電影界性平等環境的性暴力性騷擾實態調查」討論會，佢於會上透露自己對於「#metoo」嘅想法。

文素利透露呢段時間一直留意「#metoo」運動，過程中身體及內心都感到好痛：「我無法唔諗起身邊眾多同事及前後輩，都好擔心一齊工作嘅人。」

文素利指：「呢個唔係幾個人嘅問題，而係我哋所有人嘅問題。我哋係加害者、受害者、旁觀者，或者係沉默嘅幫兇。電影人全體要認證呢個事實，要帶住反省嘅心回看事件。」

文素利表示：「我哋韓國電影出產咗好多好好嘅作品，但要於過程正確上多努力，我都會參與。」表達支持「#metoo」嘅想法，最後表示：「希望韓國電影界性別平等嘅文化早日到來，我作為一名女性電影人，會努力杜絕性暴力及性騷擾。」

更多韓流，喺晒《娛果》
http://fb.com/appledailyent