騙徒嘅手法層出不窮，前年著名美國健康產品直銷公司康寶萊，喺香港嘅分公司捲入懷疑詐騙事件，有受害人報案話，該康寶萊香港分公司嘅兩名總裁，多年前透過自行成立嘅私人公司售賣康寶萊產品，仲鼓勵投資者投資數萬至數百萬元購買包銷計劃。不過兩名總裁突然失蹤，而公司亦人去樓空，事後有近70名苦主報警。

而藝人陳佩思亦係受害者之一，佢當時接受訪問仲話知道事件時，腦海一片空白，之後決定報警，惟警方唔受理，直至有議員幫手，開記招時先知有70幾個受害人。不過陳佩思又話：「其實最嬲係康寶萊，佢哋o依家置身事外，因為喺呢間公司資料，睇到呢兩個人嘅總裁身份，做到呢個位要有幾千萬業績，所以冇懷疑，但o依家出咗事，康寶萊即刻將佢哋嘅資料刪咗，又話佢哋唔係總裁，只係會員，後來我先知原來佢哋只要攞咗呢個名銜，之後冇業積都唔會除名，咁康寶萊係咪助長佢哋呢？」

講到佢今次事件痛失全副身家幾十萬，仲令佢患上抑鬱，情緒大起大落，訪問時佢仲激動流淚話：「我真係好等錢使！好需要工作。」不過患難見真情，事關佢公開多謝黑仔姜皓文嘅幫助，佢話對方知道佢嘅情況，即刻叫經理人幫佢安排工作，希望可幫佢解燃眉之急。

難得生性暴龍哥創科眾籌夢，遭隱世肥報販秒殺！ https://goo.gl/hnEB7D

「蘋果VR」App
App store下載： https://goo.gl/0kW2cK
Google Play下載： https://goo.gl/4K7EHw