【子健蘋馬】上仗末段塞車！「活力得勝」今場相對值博
蘋果日報 2019/12/31 21:00
塞車子健蘋馬活力得勝相對值博
活力得勝上仗受阻而沒有機會發揮
周三（1月1日）第二場五班1800米，總場次249同程前六名今次再鬥過。
當中，現評40分的「君臨天下」、「創紀錄」及「喜盈運」落班跑今場，卻只較最低分的「靚籐王」高10分，按制度將最高分壓低五分，變相由應負133磅，變128磅。
這項改動不但令新勝的「靚籐王」加分免加磅，連帶上次同場二至六名，悉數下調負磅，令此場形勢變得更緊湊。
按理落班的「君臨天下」、「創紀錄」及「喜盈運」會佔到便宜，不過狀態卻唔算銳，因而降低優勢，相較上述場次249場的前六名馬匹，好唔得幾多！
在249場名次最差，即跑第六的「活力得勝」，唔敢講一定好過前三名，卻肯定好過四、五名的「好醒神」與「得意」。
有睇片就知，「活力得勝」塞足整條直路，馬匹想追都無得追，這樣劣勢下，還差點跑贏後「好醒神」與「得意」。
既然確認「活力得勝」前仗追近跑第七，唔係偶一或人棄我取，反而屬入局及狀態到位的證明。
今次幾乎遇到同一批對手，縱一齊調低負磅，也不見得落下風，可博遇上不同形勢兼博進步，趁此次還有分頭，相對值博！