休息埋年初四，唔少市民年初五就開工大吉，一班民主派3.11候選人都要開足turbo喺倒數前拉票，要話畀市民聽，冇咗呢三個地區直選同一個功能組別議員，幾咁危險！

喺新界東代表民主派出戰嘅新同盟范國威，面對建制派力谷工聯會鄧家彪，當然要全力迎戰。而喺農曆年前，佢幾乎日日喺維園擺檔，分別喺守護公義基金同不同民主派政黨攤位，為市民愛犬畫水墨造型，就唔同議題籌款。

咖喱范喺美國三藩市美術大學畢業，美工毋容置疑，睇返佢睇住狗仔相片嚟畫嘅狗仔水墨畫，真係同真狗仔無分別，難怪市民都讚不絕口，據知佢最終畫咗多達800幅，唔知算唔算香港一個紀錄？八方問佢邊種狗仔最難畫？佢神回一句：「共狗」！

嘩，真係「瑞犬護香江，安居樂同行」，八方都祝大家，狗年自求多福！

想睇咖喱范畫過乜狗？呢度可以欣賞到： http://bit.ly/2sD84yc