麥德羅（Robert）61歲生日，今晚其女友劉麗萍（Apple姐）於長沙灣設宴，好友劉少君與Robert胞弟麥德和也有出席。Robert表示筵開20席大宴親朋，他說：「初頭都好驚，因為我哋啲朋友都有番咁上下年紀，都驚危險、怕冇車搭，而家就定啲。」

問到Robert的生日願望？他說：「希望社會安寧、社會快啲和諧、世界和平安居樂業，大家都多嘢做，唔使失業。其實我都有唔開心，呢5、6個月嘅騷冇咗一半，平均1個月都有10幾場，而家冇咗一半，自己都有情緒病，成日會喊，因為我都經過過六七暴動，當時自己7、8歲，拖住細路，踢到啲牛奶罐都驚會爆炸，係好驚嘅，希望可以快啲和諧返，大家豐衣足食、身體健康。」不過Robert指還未需要看心理醫生，宴會上他會唱《明天會更好》及《世上滿希望》為大家打氣。Apple姐更大爆男友情緒病很恐怖，她說：「佢好恐怖呀，瞓瞓下覺都會打我，好似打仗咁。我哋喺香港出世，香港咁好係大家建立出嚟嘅，呢一代經歷咗好多考驗，到而家都算係咁，大家嘅應對能力好高，但係而家就太多新聞，有時唔想睇都會睇到。」

採訪：羅慧敏
攝影：沈健程

-----------------------------
《2019高級珠寶鑑賞誌》
點擊即睇過百款鑽飾名錶
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇