「當然今年都係唔開心啲啦，不過可以講，高教授係唔應該走，因為（高錕生命）到尾嗰時仲好健康……老實講佢應該係餓死，唔係其他嘢，所以應該唔係（咁早）走嘅。不過都知道佢（肺炎）到尾期，都係遲早會走㗎囉，但可能（有機會）捱多兩三年至走……」談起先夫，高錕太太黃美芸那淡淡的笑容，始終遮掩不住內疚與自責。一年過去，高太的華髮漸變斑白，她把握時間探望子女、四處演說，及花逾8個月時間，籌備下周舉辦的高錕先生回顧展覽。也許她不希望與先夫一樣，患了大病才達成心願，「到時個人幾叻都冇用，腦退化就係腦退化」。

「如果話佢餓死呢，（起碼）都係舒舒服服嘅，唔痛嘅。如果（上天）唔係咁迫住佢走呢，遲啲走又可能辛苦啲，所以呢……又好遲又唔係好遲……不過（而家）個人都係要行前面，唔可以諗太多，諗太多自己精神都唔好。」去年高太接受《蘋果》訪問時說，懊悔沒有在高教授吞嚥有問題時，強硬要求餵食，「覺得佢未到時間走」；這次她收起自責的話，很快帶走話題。

高太總是忙碌。以前要照顧高錕教授，無法抽身；現在四處奔波，在家的時間很少。「今年可以探到仔女兩次，諗住聖誕去探第三次。基金會又每星期開會，好多project想做。」最大的project，自然是以高錕慈善基金名義，舉辦《念．高錕》展覽。她說每年9月21日都是世界認知障礙症日，9月23日則是高教授逝世一周年，原想展出他生前接受藝術治療時畫的作品，後來索性籌辦回顧展，一舉兩得。

高錕成名後的照片，網上容易找到；找他年輕時的生活照，則連高太也大感苦惱。花了一輪工夫，一家人在加州山景城的寓所找到8盒舊相，其中一些藏在車庫不起眼的箱子內。「有啲係高教授30至40歲時候嘅相……以前我哋成日去旅行，教授喜歡影相，帶住『傻瓜機』周圍走。」其中一幅兩口子站在尼亞加拉大瀑布前的照片，美得讓人以為是電腦後期製作出來，高太賣了關子，沒透露會否展出。除了舊照、畫作，回顧展也會展出高錕的自製瓷器，「大家都知佢鍾意整瓷器，但好多送晒畀朋友，自己冇剩到，哈哈……教授整瓷器係想減壓，到做校長嗰陣就冇時間整。」展覽9月16日開始，先後於交易廣場、香港視覺藝術中心、中大圖書館展出，10月13日完結。

「一煲滾水」喻港狀態

把展覽的最後一站定於中大，自然是因為高錕當過9年中大校長，與「山城」結下不解緣。當年的中大人總會記起高錕校長沒有架子、愛護學生的一面；問高太現在的大學校長是否足夠關顧大學生，她心知記者想把話題帶到「反送中」運動，話鋒一轉，以「一煲滾水」比喻今天的香港，水溫很高，若不作出行動、變革，「水滾淋落嚟，大家都會淥傷」。

香港有否把滾水降溫過？「有人話，（回歸）50年，乜嘢都唔改變，我聽到佢咁話，就笑死我啦……知道歷史嘅，都知唔可以撳低啲人50年冇得改啦，天氣都改啦！人都（會）老啦、聰明啲啦！你唔可以話50年乜嘢都唔改，唔改呢，水就滾㗎囉。」她說，當年毛澤東就是因為高壓統治人民、為了大躍進不顧一切，很多人因而枉死。

「水太凍又唔好，要和暖先舒服，火爐就要校吓佢啦，如果太熱就要撳低佢冇咁熱啦；如果凍就要開火啦。如果你時時係咁，有少少、少少改變，大家咪冇嘢。喂而家做咩嘢呀香港，啲水滾囉……啲水淋落我哋身囉，淋咗我哋大家死囉。所以如果大家（肯）聰明啲，諗辦法唔好畀啲水滾，火頭要細啲，大家要明白咁樣先得。」

但高太也不全然認同所有抗爭手段，除了引發太大混亂，事實上亦太急。她說毛澤東帶來的傷害持續近30年，之後才有改革開放的成就，「冇一個國家進步得咁快」；今天抗爭者堅持五大訴求缺一不可，也不能期望一朝一夕就會成功。她認為雙方都有把滾水降溫的責任，溝通則是有效方法。之後她再補一句：「但唔能夠撳低班學生，令佢哋冇得發夢。」

她說的「發夢」，乃創新思維、探險精神，是高錕教授創造光纖、連接世界的根本，也是她願窮畢生精力弘揚光大的智慧。

記者：于健民
-----------------------------

9.13香港之路暨齊慶中秋夜

日期：2019年9月13日
時間：晚上7時半集合；晚上8時起牽手築人鏈
地點：各區公園、遊樂設施

參加者可叫「五大訴求 缺一不可」、「光復香港 時代革命」、「我要真普選」、「平反721、831」等口號，向國際社會展示港人打不死的精神。
-----------------------------

9.15民陣遊行

日期：2019年9月15日
時間：下午3時起步
起點：銅鑼灣東角道
終點：遮打道行人專用區
-----------------------------
【撐學生】
召集有心人 撐學生全年睇《蘋果》
立即按此
-----------------------------
《囚牢之疆》 專頁
揭開集中營邪惡面紗
今日新疆 明日香港