今年係國際婦女節100周年，1910年德國婦女運動先驅克拉拉蔡特金（ClaraZetkin）提議，為紀念1909年3月8日美國芝加哥婦女大罷工而設立國際婦女節。
時至今日，婦女仍未完全自主。例如，好多姊妹都聽過呢啲說話：「望吓唔得咩，你扮咁靚，都係想男人望之嘛。」點解女人扮靚唔可以係為咗自己？大學生問魯迅現代中國青年應該爭取乜嘢，魯迅話要先爭取言論自由，然後先講爭取乜嘢。如果有人問我女性應該爭取啲乜，我會咁樣答：「先爭取扮靚自由。」

買鞋送錢包　免費搭纜車

扮靚嘅機會又嚟，時代廣場20間化妝品店，即日起至3月8日有婦女節優惠，包括喺鞋店Aerosoles買ComfortQueenCollection可免費獲贈鱷魚皮紋小錢包；用優惠價500蚊，買價值795蚊嘅Biotherm全新WhiteD-Tox[Bright-Cell]基因透白精華優惠套裝等等。姊妹們如果買嘢滿指定金額，仲有戲票或者美容禮品。
家庭主婦有時辛苦過OL，3月8日可以去搭昂坪360唞吓氣，因為嗰日頭3,800名有香港身份證嘅女士，可以免費搭纜車來回一次。如果真係唔得閒，之後連續四個星期三，買車票都有38%減免優惠。詳情去睇吓 http://www.np360.com.hk。

電郵：mailto:[email protected]