29歲日本男星松坂桃李主演嘅18禁新片《娼年》已定下月初在當地上映，今次佢扮演應召男妓有超激演出，更會挑戰尺度上演大量情慾戲，日前片商已公開約分半鐘嘅預告片，大膽程度被形容直逼《格雷的五十道色戒》（Fifty Shades Of Grey）。

松坂桃李昨日率領《娼年》一眾演員入戲院宣傳新片，當中包括富手麻妙、真飛聖、馬渕英里何、荻野友里、佐佐木心音、大谷麻衣、江波杏子，計埋導演三浦大輔共有13人登場，當中有份肉搏嘅女拍檔不論老嫩都打扮性感，松坂在片中更要肉搏75歲嘅江波杏子。一把年紀嘅江波杏子透露收到劇本才得知要上演床戲，佢話：「我都嚇一跳，對唔住，松坂仔仔。」富手麻妙就指松坂今次演出雖然吃力，不過就爆對方在片場食香蕉，松坂解釋食蕉係想集中精神。

精選娛聞，喺晒《娛果》
http://fb.com/appledailyent