被控涉欺詐罪及勾結外國勢力的壹傳媒創辦人黎智英，昨獲《國安法》指定法官之一的李運騰批准保釋，但保釋條件嚴苛，包括不准離開寓所、不得受訪及撰文及在社交媒體留言等。本身為律師的民主黨何俊仁今天以黎的「律師朋友」身份接受商台訪問，指因應控方強烈反對，而黎有可能被羈押至2022年，故部份保釋條件由辯方提出，坦言黎亦曾猶疑，「出到去仲有乜意思？」但考慮到成功保釋能令壹傳媒同事安心等因素，故也接受。被問黎智英會否偷渡逃亡，何俊仁直言：「我唔相信佢會做呢啲嘢，一定唔會⋯⋯佢一直覺得要留喺香港，就算要付出自由嘅代價，佢都唔會走」。

何俊仁是黎智英3名人事擔保人之一，他說雖然不少人不看好黎能獲保釋，尤其當局對黎案「盯得好實」，「成個政府一開始出嚟嘅姿態，就係唔想畀佢保釋」。本身為律師的何直言，最初控告黎智英違租約「真係笑話」，「行內人就知，一睇呢啲就係普通商業嘢」，認為無可能不獲保釋。豈料保釋前夕，警方加控《國安法》罪名，且至上庭前夕都拒提供資料，「嗰日幾點上庭又唔話畀我哋（擔保人）知、嗰邊（律政司）邊個律師負責又唔同你（黎一方）講，搞到黎智英嘅律師都踢晒腳」。最終知悉加控罪名後，遂將保釋申請押後至昨天（23日）。

基於主控全力反對黎智英保釋，何俊仁透露，包括不能離開住宅、不再接受訪問等都是辯方提出的條件。他解釋今次若未能成功保釋，黎至少要被羈押至明年4月，再加上控方或需時再調查等因素，「可能（還柙）要等到2022年先審得」，因此「冇辦法唔咁做」。何直言，只要稍為認識香港法制，「就算係最嚴嘅法官，都會覺得應該畀佢（黎）保釋，係正路嚟嘅⋯⋯熟悉制度下係應該批嘅」。他理解《國安法》下法官可能面對極大壓力，但指法官亦知道，每個判詞都記在歷史，「你（法官）都會覺被尊重好重要」，所以不會假設法官在《國安法》下已被支配。

何直言，黎智英對有關保釋條件曾有猶疑，但再三考量家人等意見下接受，又認為黎獲保釋後，處理公司事務、甚或與律師團隊商討亦較方便。何相信，黎稍後亦會減少與不熟悉的人接觸，而黎的Twitter賬戶今天已停止運作。

談及控方就保釋上訴，何指由於兩年前終院已有裁決，不會處理「審前保釋」上訴申請，估計律政司的上訴不會獲受理。至於黎智英會否偷渡逃亡？何稱以他認識的黎智英不會偷渡逃亡，重申黎多次提及香港給了他太多，會面對爭取自由的代價，「而且對壹集團同事，佢都覺得自己有好大責任，正正呢個時候，佢更要留港為香港付出」。

-----------------------------

《蘋果》英文版免費試睇：了解更多

英文版已登錄《蘋果》App，立即下載/ 更新：iOS / Android

-----------------------------

支持蘋果深度報道，深入社區，踢爆權貴，即Like蘋果專題及調查組FB專頁！