當年今日
關於我們

CPK兩分店涉欠薪突停業一周 員工憂年尾突結業恐遣散費「凍過水」

蘋果日報 2020/01/10 06:00

勞工處停業遣散費California Pizza Kitchen

在本港有3間分店的國際連鎖餐廳California Pizza Kitchen(CPK)疑拖欠員工薪酬,數十名員工前日集體向勞工處舉報。有現職員工向《蘋果》表示,接獲管理層通知,CPK新蒲崗及九龍灣分店將停業一周,但重新開業無期,員工擔心兩間分店最終結業,不但無法追討欠薪,10多萬元遣散賠償更恐「凍過水」,促勞工處盡快介入,助員工度過年關。
數十名CPK員工前日向勞工處求助,指公司拖欠去年12月的薪酬,部份員工被通知要以七折或五折支薪,但仍未收到薪酬,位於新蒲崗及九龍灣兩間CPK分店昨日(9日)繼續停業,只黃埔分店仍營業。員工楊先生(化名)表示,昨收到管理層通知,兩間分店會停業一周,「同我哋講話舖頭有啲問題要裝修,叫我哋放一個禮拜假先」。
他指,管理層未有透露兩間分店何時重新開業,公司也沒交代是否會結業或解僱員工,「叫我哋當清住假先,開返時會通知我哋返工,其實係無了期。」他指,公司已拖欠上月薪酬,擔心一旦結業,一個月代通知金及遣散費合共10多萬元都會「凍過水」。他質疑,公司一直拖延不肯解僱,變相迫員工「自動離職」,毋須支付代通知金及遣散費,「臨過年搞啲咁嘅嘢,糧又冇得出,勞工處又好似幫唔到乜嘢,只話會備案」。
職工盟統籌幹事王宇來批評,CPK拖欠員工薪酬不但未有履行僱主責任,兩間分店更重開無期,只安排員工放假,卻不作解僱,「分分鐘人去樓空都唔出奇。」他指,若公司拖欠員工薪酬超過一月,已可視為變相解僱。但他批評,勞工處已知悉CPK欠薪,更應主動接觸僱主了解情況,「究竟出唔出到糧?係咪會結業?都應該去調查,而唔係等到人死咗先去救」。
《蘋果》前日(8日)已就欠薪及分店停業事宜向CPK查詢,截稿前仍未收到回覆。
-----------------------------
【匿名港警爆大鑊】
韓國KBS時事節目《時事直擊:香港 被自殺》
一按即睇
-----------------------------
無懼警暴 學懂自救
《抗暴之戰●法例須知》讀果 上架
-----------------------------
【撐學生】
召集有心人 撐學生全年睇《蘋果》
立即按此