當年今日
關於我們

向小旋風偷師
星級教室:Kenny面壁擊球腦筋急轉彎

蘋果日報 2005/11/21 00:00


關智斌(Kenny)甚喜歡打壁球,見他練波時有板有眼,球技不俗,原來Kenny兩年前曾與香港首席女子壁球選手「小旋風」趙詠賢較量,還向對方討教心得。Kenny謂打壁球要計算波的反彈角度,日子有功腦筋也變得靈活。
關智斌向來熱愛打壁球,日前他到中環一室內壁球場打壁球時,不斷左跑右跳,表現生猛,球技也算不錯。問Kenny為何會愛上打壁球時,他竟充當講古佬,介紹壁球歷史。
英國監犯發明
Kenny說:「做每項運動都應該先認識佢嘅歷史,打壁球嘅阿sir同我講,話壁球係十九世紀嘅英國監犯發明出嚟,監犯冇嘢做,咪喺監獄入面對住幅牆打波,就係咁樣打出嚟嘅,後來英國嘅士兵就將壁球帶到香港。我讀中二、三時開始打壁球,嗰時市政局有培育年輕球手嘅訓練計劃,我參加咗,於是就開始學壁球啦。」
兩年前,Kenny在一個壁球活動中與曾奪亞運金牌的壁球好手趙詠賢碰頭,雙方因緣際會打了一場友誼波。Kenny表示那次是很好的經驗,更趁機向對方偷師,他笑說:「我最記得自己跑到索晒氣,但我梗係輸啦,結果係二比一。」
訓練靈活身手
Kenny又謂打壁球除了對練氣很有幫助外,亦可訓練身手,他說:「打壁球一定練到氣啦,不斷喺場內跑來跑去,成日要急停、快步、疾步,而且練到個人好專注,因為個波咁細,打中之餘重要識得計算波嘅反彈角度,所以個腦都要轉得快。」
採訪:朱倬誼 攝影:葉君海
empty
empty
《握拍手勢要正確》
empty
empty
《控球熱身》
empty
《反手接球》