今季舉行了五次賽事，潘頓42匹座騎只得五勝，勝出率約百分之11，比上季百分之21低了甚多，而亞軍則有14場之多，雖常搏失但演出尚算穩定。

在潘頓手風轉順前，他的座騎作為Q膽會比較合適。另外，周三（26日）谷草三班1650 米，時有三駒報名，馬房第二優先參賽的「情趣」，六歲愛爾蘭自購馬仍未用盡，今仗回跑三班賽，值得優先留意。

近幾年莫雷拉及潘頓在場上鬥得你死我活，他們壟斷了約三成頭馬，而上名率亦超過五成。

莫雷拉轉赴日本發展，今季由潘頓獨擔大旗，暫時進行了的 46 場賽事，有19匹潘頓的座騎成為大熱，比率超過四成，而當中只有五匹勝出，其大熱勝出率為26%，比他上季的大熱勝出率，低了百分之10。

其實，今季潘頓暫時所騎的馬匹，普遍的實力並不出眾，當中有好多更加是經常跑得近而難贏，如上周末（22日）的「同歡樂」，在港跑十場都是十倍以下。

此駒經常受追捧，但實際上都仲未贏過，質素只值四班。另外，「火箭駒」自從上年六月贏馬後，表現一直下滑，在外地已用盡的馬，就算強配潘頓，亦難以化腐朽為神奇呢。

今期周三夜賽報名馬匹數目回復踴躍，只有一組三班1650米出馬不滿額，即使有兩駒延遲加入報名，最終亦只有十駒角逐。當中有三匹出自霍利時馬房。

牌面上，呢場三匹時廐馬中，應以質新的「韻妙星」機會最樂觀，不過這匹體重超過1200磅的肉身馬，近期晨課試跑觀感稍為身重，狀態最多只得六、七成。

反而，廐侶「情趣」近期狀態急速冒升，上周三（19日）與「神龍駒」拍跳，進一步激發馬匹的心火，近日在內圈踱步，表現活躍。

此駒近兩季首戰都能夠跑入三甲，休後復出表現佳，近11仗曾三度勝出三班賽，證明在三班屬上風馬。今場對手實力一般，就算133磅亦有力爭勝。