剛周中本地賽休戰，多位騎練都出外充電，爭逐冠軍騎師的莫雷拉及潘頓，分別去了俄羅斯睇世界盃及一家四口到馬爾代夫享受陽光與海灘。

至於貝湯美及祈普敦就返回家鄉澳洲探親友，而一班華將默默耕耘努力幫各個馬房操馬，值得一提是近日大閘，多匹外籍師傅座騎都換上替工代試，至於大摩飛到剛發生地震的大阪，為「明月千里」備戰寶塚紀念賽。

馬會今年將皇家雅士谷賽期其中四個賽日轉播到香港受注，做法絕對一讚，馬迷們大飽眼福，可見證英國其中一個重要賽事周，感受現場氣氛，也可欣賞戴圖理精湛騎功，又可以參考練馬師訓練方法，岳伯仁、高仕登將馬匹遠征後依舊不斷保持水準。至於香港馬迷如何備戰海外賽做功課，下回一齊探討。

周日(24日)最尾第十場二班1400米，「以奇用兵」五出五捷，上仗勝後休息，季尾再度出擊，4月開始積極操練，試四課大閘輕描淡寫，活力十足，大把在手，目標今日取多一場勝利，部署下季跑大賽。

對手方面，「美麗寶貝」雖沒潘頓壓陣，但史卓豐一樣是贏馬配搭，而且加眼罩後表現更上一層，輕磅要防。潘頓愛不釋手的「錶之太陽」，上仗於弱組取勝，但狀態有進無退，升班一樣有威脅。「協勝神駒」今次有配備改變，早前試閘感覺韁口以穩定，希望有助陣上發揮。