今季開鑼日（1日）共有六匹上季尾熱失馬勝出，分別是「跑得威」、「明月昇輝」、「加州更好」、「熱血鬥士」、「金鎗六十」和「蟲草之星」，反映呢類熱失馬心急求交代。

嚟緊周日（8日）沙田賽事，參戰馬中上仗5倍以下熱失馬共有十匹。當中，最值得留意的是第八場「新力寶」及第十場「請跟我來」。

最尾第十場三班1400米「請跟我來」，此匹蔡約翰馬上季出道獲兩冠三亞，悉數在1400米取得，三班同程取勝一役，更以一馬位輕取「蟲草之星」。

睇番「蟲草之星」新近於開鑼日同程獲勝，計馬「請跟我來」在三班有評分喺手。此駒上季尾落第因狀態回落，經暑期休養生息後體力回復，目前只不過剛轉四歲，仍有不少進步空間，埋門試大閘後上第二走勢勁。今仗由雷神操刀，只要跑番出水準，應可重振聲威。

還有第八場二班1200米泥地賽，大摩旗下「新力寶」上季尾配梁家俊初跑谷草大熱倒灶，今季首戰即打王牌初跑泥地，大摩咁部署應成竹在胸。

事關此駒近兩次試泥閘皆可一放到底，同父廐侶「軍力勁」曾三勝泥地此程，血統有根據，換上史卓豐充滿變數，有力收復前失。

-------------------------------
想唔想知自己財運、事業、愛情會點？參加《玄機解馬》節目，可免費畀美女堪輿學家唐碧霞睇八字、睇相指點迷津，快啲入嚟報名。
https://forms.gle/dN9hfSiFxc7T8E436
-------------------------------
馬匹賽績、騎練數據、名家貼士
【最強贏錢武器 盡在蘋果馬網】
https://hk.adai.ly/e/5nFdCiYq8Y
-----------------------------
【撐學生】
召集有心人 撐學生全年睇《蘋果》
立即按此