當年今日
關於我們

《3D豪情》女優收攞命恐嚇 杜汶澤希望係寫信大膽:做就冇膽

蘋果日報 2016/06/01 06:00

蘋果香港杜汶澤露肉死亡恐嚇即時日本AV女優娛樂葵司

日本AV女優葵司近日喺Twitter收到狂迷死亡恐嚇,有粉絲擔心其安危已代偶像立即報警,其實葵司曾演出杜汶澤(阿澤)主演嘅港產片《3D豪情》,仲同夕樹舞子、沖田杏梨、由愛可奈、辰巳唯等AV女優露肉演出,獲唔少香港宅男歡迎。

阿澤知葵司收到死亡恐嚇,佢都覺得好恐怖,佢接受《蘋果》訪問表示:「真係好恐怖,記得呢個女仔,知道佢除咗拍AV之外,對演戲都好有興趣,聽到個消息覺得好可怕,不過如果覺得日本有危險,可以嚟香港發展大把機會。不幸中之大幸係預告襲擊,可以有防備,唔似上一次。希望係寫信大膽,做就冇膽,冇真正惡意。」

畢竟日本近日屢發生斬人事件,早前發生兼職偶像被粉絲狂斬廿刀嘅恐怖案件,20歲富田真由被一名27歲無業男子斬至重傷,曾一度心肺功能停止,現時仍然昏迷,就如阿澤所講,幸好今次係「預告襲擊」,起碼有得防備!