今日係「六一國際兒童節」，」關之琳（之之）、姜皓文（黑仔）同賈曉晨（JJ）等都紛紛喺社交網上載黑白童年相。

之之真係由細靚到大，童年時已經眉清目秀，一副美人胚子模樣。之之留言﹕「兒童節讓我回憶起小時候，無憂無慮的童年大概是最幸福的時光，兒童節快#我要六一# 」而黑仔就眉粗眼大好精靈，至於JJ就肥嘟嘟一副天然呆樣，但似男仔多過似女仔，唔少網友話有驚喜，希望佢可以再Share多幾張。

佘詩曼除貼童年得意相外，仲講咗一樣自小嘅興趣，佢話﹕「從小就愛上畫畫，喜歡為自己的世界添上色彩，普通的一份工課，未經老師同意，便自作主張填上七彩繽紛的顏色！到底係不守規則，定係任意妄為？哈..我只知道...我便是..我！#六一快樂。」真係油得幾靚㗎！

精選娛聞，喺晒《娛果》
http://fb.com/appledailyent