特首候選人林鄭月娥的競選辦公關團隊可謂粒粒皆星，如有前中電公關「一姐」麥黃小珍，及曾任港台廣播處副處長的戴健文，惟整個選舉工程卻頻生「關公災難」鬧劇，林鄭甚至公開讚揚對手曾俊華的得力助手羅永聰，稱要招攬羅加入自己團隊，再釀公關災難；中大政治行政學系高級講師蔡子強說：「成個團隊拉雜成軍，將多個兵，仲係升晒上神枱，掌握唔到時代脈搏」。

林鄭競選辦團隊還包括馬會前對外事務高級經理陳裕宗、前港鐵總經理王美琪、信和集團公關高層邱文華等，被形容是「宇宙最強」組合，卻製造連串關公災難，如林鄭於年三十竟向懷疑內地行乞黨送上500元等事件。蔡子強認為，好明顯林鄭競選團隊組成臨急就章，完全不了解老闆的能耐，欠缺互信，「佢哋根本唔熟悉林鄭，唔知道佢識啲乜，可以做到啲乜，咪出現問多問題。」

另外，林鄭競選辦設立傳媒聯絡WhatsApp群組，卻遭傳媒指對查詢「不聞不問不回應」，最終團隊成員麥黃小珍在群組致歉，但竟然用簡體字。浸會大學新聞系高級講師呂秉權亦同意，林鄭團隊將多兵少，「已經好少落手落腳去做，有啲生鏽；仲要唔係100%真心去做，係有啲被迫，大家唔信任，所以好多甩轆。」他更擔心，林鄭個性自傲，亦有可能出現忠言逆耳的情況，「佢根本唔聽人講，如果佢做咗特首，好擔心做咗第二個CY。不過林鄭係公務員系統出身，應該駕馭到公務員嘅。」

記者 蔡朗清

【選舉結果總結】
手機用戶請按： http://bit.ly/2nVOTg8