喺內地,唔止炒水貨,炒陳年老掉牙舊聞,仲勁。
趙雅芝同黃元申(80後都可能唔認識佢)當年嘅緋聞(話兩人日久生情,黃元申仲寫信俾當時係有夫之婦嘅趙雅芝,點知俾當時老公黃漢偉見到云云)。件事已經成34年前發生。黃錦燊都未出場,黃元申都出完家再還俗。可能當事人都已經唔記得咗。
上世紀咁耐嘅事,但強國傳媒同網民仍然死纏不休,作得就作。呢輪係咁「二次創作」,話芝芝疑因偷食、俾老公「虐打」(但竟然話係黃錦燊「出手」,當時佢哋都未一齊喎),仲話芝芝因為咁,左邊小腿留疤。跟手再傳芝芝整容、曾經喺夜總會賣唱,等等等等。
終於,好脾氣嘅趙雅芝,噚日終於忍唔住,掟咗個書包出嚟,澄清一切﹕「流丸止於甌臾(瓦器,或比喻地面窪陷不平),流言止於智者。有沒有整容、偷情遭家暴、夜總會賣唱……套用一句話:『時間可以證明一切。』」
呢個書包,大家接住冇?