相信大家就算唔知道吳亦凡係邊個，都一定有聽過佢喺大陸節目《中國有嘻哈》嘅名句「你有freestyle嗎」，除咗呢句外，仲有乜都加「skr」嘅語言，搞到同樣係導師嘅MC HotDog都忍唔住寫post都加skr嚟玩：「我skr熱狗，我不懂skr而止，我只skr愛打電動的宅男」，至於熱狗個friend、兼同樣係HIPHOP友嘅陳冠希（Edison），當然亦忍唔住出手狂串吳亦凡，表示「唔知講乜、佢哋覺得自己好型」等。

而《中國有嘻哈》第二季嘅《中國新說唱》籌備時，當時有傳《新說唱》會搵Edison做製作人，點知到真正公佈時就冇Edison份，《有嘻哈》、《新說唱》嘅總導演、兼現任大陸網路平台愛奇藝副總裁嘅車澈被問到時，已經公開話：「陳先生，我們從未接觸過他，聯絡過他，從未想到邀請他，以後也不會想到他。」

而當知道宇宙巨G.E.M有份做新節目《新說唱》導師嗰陣，Edison又即時留言串宇宙巨G.E.M話：「LOL Hahahah again on some BS.（BS.=bullshit）」、「Rappers???? hahahahah u mean a stage full of bitches／not rappers right???」

嗱嗱嗱，沉寂好幾個月，早幾日Edsion又喺微博開火，連出兩個post嘅內容，再一次被指係暗串吳亦凡，搞到車澈忍唔住，喺微博發炮狂串Edison，雖然冇指名道姓、但明眼人一睇就知佢係鬧緊Edison，而佢寫嘅內容都幾狠：「某些人心裡有點X數好嗎？我們正眼看過你嗎？自己找人發稿子說自己要可能上節目，然後粉絲瘋逼一樣說我們蹭你熱度。…成天罵罵咧咧這個不行那個不行的，你行你自己做個節目啊。​​​​」

而車澈最後更再三強調，永遠唔會搵Edison「不找你，不想找你，不會找你，永遠不會找你。」睇嚟呢場罵戰一觸即發！

精選娛聞，喺晒《娛果》
http://fb.com/appledailyent