【符合國情】奧斯卡電影《忘形水》大陸上映變成咁 全裸場面要加衫過關

蘋果日報 2018/03/15 13:10

奧斯卡忘形水The Shape of Water
    墨西哥導演吉拿域戴拖路（Guillermo del Toro）新作《忘形水》（The Shape of Water）在一片爭議聲中勇奪第90屆奧斯卡金像獎最佳電影，更掃走四獎成為今屆大贏家。
    《忘形水》故事發生於1962年，主角係個在政府實驗室內工作嘅啞女清潔工人，戀上被捕獲嘅人形兩棲類生物，繼而展開拯救行動，一段「人獸戀」意識大膽，女主角莎莉荷堅絲（Sally Hawkins）更有不少裸露場面，又交代莎莉與水怪交歡過程，雖然大陸不少網站已足本睇到呢套電影，但《忘形水》改名為《水形物語》於聽日正式在中國上映，大家都關心片中嘅大膽場面有冇得留低。
    觀乎廣電總局電影局嘅資料指出，《忘形水》喺大陸上映會有123分鐘，同原裝版片長一樣，不過原來女主角嘅自慰及露點場面，還有反派跟太太嘅床上戲都會作技巧性地修改，最睇到人眼凸嘅係，一場女主角走入浴室脫衣親近水怪嘅畫面，大陸片商竟作後期加工幫女主角添衣，令本來全裸嘅女主角，透過電腦效果加咗條黑色tube dress上去，好一套奧斯卡電影慘變二次創作，唔知導演吉拿域戴拖路知道有乜反應。
    精選娛聞，喺晒《娛果》
    http://fb.com/appledailyent
    empty
    《忘形水》奪奧斯卡金像獎最佳電影，更掃走四獎成為今屆大贏家。
    empty
    大陸改名《水形物語》上映，同原版一樣有123分鐘。
    empty
    empty
    不過片中場面如呢幕裸戲，就要用電腦幫女主角加衫進行。
    empty
    當年《武媚娘》播出時都要加布封胸。