特首林鄭月娥日前見記者宣佈暫緩送中惡法，但她在記者會上「寸寸貢」兼死不認錯、拒撤惡法態度，反而激發更多市民昨日上街，淹沒港島各主要幹道。有政界人士表示，不少官員及支持林鄭人士認為林鄭及其團隊心戰策略，只能用慘不忍睹去形容，單是6.9大遊行後向親政府傳媒放風，抹黑遊行反送中是「顏色革命」，但中央現在又叫停送中惡法，「咁係咪話中央向顏色革命屈服？」認為完全是林鄭剛愎自用、只聽迎合她的意見所致。

剛愎自用「累死香港」

該政界人士表示，前晚在林鄭開完記招後，與一些建制、官場中人碰面，他們無不以「災難」形容林鄭見記者，「個個鬧見得記者，究竟想救火定撥火？如果想救火，咁為乜全場寸寸貢，又鬧記者、又唔認錯，咁不如唔好開記招好過」，席間有人爆料，指林鄭根本拒聽任何反對意見，「任何人提出同佢唔同睇法，佢即刻駁人，總之只有佢嘅意見先最好、最勁，其他人都係廢嘅」，慢慢地不少官員也識趣自動收聲，「結果咪淨番一班只識附和佢嘅人係身邊」。

另一在席人士稱，6.9大遊行後有政府消息人士向親政府傳媒放風，指港府高層開會後，認為反送中遊行是「顏色革命」，但他問過一名問責官員，對方稱從未聽過有關說法，認為可能是林鄭身邊近臣或西環放風，「可能有人以為咁樣可以更加令北京、建制派冇得轉身，一定要死撐林鄭，點會估到北京竟然叫停，搞到好似中央向顏色革命屈服」，從中亦可見林鄭剛愎自用、不聽人言，不只累死自己及北京，「仲累死埋香港」。

季陶

周一、三、五刊出