由韓國影帝宋康昊夥拍劉海鎮、柳俊烈等主演嘅韓片《逆權司機》將於下周四喺香港上映，電影於上月2號喺韓國上映，並於上周五喺台灣上映。

《逆權司機》喺韓國上映時已大受歡迎，上映19日已衝破千萬人次，現時累計觀影人次已逾1,211萬人次，成績相當理想。而喺台灣同樣受歡迎，根據台灣傳媒報道，《逆權司機》喺台灣上映一周，全台票房已衝破千萬新台幣(約260萬港元)，認真相當唔錯。對於電影喺台灣有好成績，台灣傳媒就指導演張勳大感開心，更感謝台迷嘅支持，同時佢受訪指電影最讓佢動容就是那位的士司機，亦指電影最吸引之處就係的士司機作出咁嘅決定。