拿度星期日喺法國網球公開賽決賽輕取華域加，成為公開賽紀元以來第一位10次贏到同一大滿貫錦標嘅球手，呢個成就令佢喺星期日喺社交網頁洗晒版，好似足球界咁吖，作為皇家馬德里忠實粉絲嘅拿度咁威，呢支西甲班霸都好識做，喺球會官方Twitter同埋Facebook出post恭喜對方，唔少西甲或者西班牙球星都有喺個人社交網頁恭喜拿度，而星期日為西班牙國家隊喺贏馬其頓2:1嘅世界盃外圍賽披甲嘅沙治奧拉莫斯，賽後接受訪問都大讚拿度，佢話︰「拿度係西班牙體育界嘅標誌人物，係西班牙體育界最偉大人物之一，除此之外，佢仲係皇馬粉絲。」