港島今天又有大規模自由行活動，壹傳媒創辦人黎智英今午2時多，與支聯會主席何俊仁及民主黨單仲偕到銅鑼灣「行街」至中環。黎智英被問到今日現身銅鑼灣時指：「繼續囉，繼續啦，我哋唔會完㗎啦，繼續堅持囉，直至有普選為止」，表明不覺得今日在銅鑼灣「行街」有風險，「大佬，我出嚟行路，有乜風險啊？拉都畀佢拉囉，行路、行街都唔得？你（政府）痴㗎！」

對於林鄭聲稱已經回應港人五大訴求，黎反問：「佢幾時回應五大訴求啫？佢撤回已經無用啦，大佬。佢三個月前撤回就有用啫，而家撤回無用㗎啦，而家我哋要等普選㗎嘞」。他又批評林鄭聲稱要落區與巿民對話只是做騷，指林鄭落區時只是「關心玻璃有冇爛咗」，而不是真正與年輕人對話，又指警方近日對待年輕人的手法是白色恐怖，藉此嚇怕年輕人，令他們不敢再行出來：「呢個係戇居，佢越係咁做，就越係反效果，（會有）多啲細路仔出嚟」。

對於林鄭表明反對美國通過《香港人權與民主法案》，黎智英笑指：「佢做咗壞事，佢梗係反對啦」，認為正正是林鄭反對，美國國會才更想通過該法案。他在「行街」期間多次高喊「光復香港」，同行市民則以「時代革命」回應。

而黎智英現身銅鑼灣時，有市民向他打氣指：「黎生，加油！」另有巿民表態支持：「課咗金嘞！課咗金嘞！」台灣傳媒「民視」沿途亦有訪問黎智英，黎表明「五大訴求、缺一不可」，指今日由銅鑼灣行至中環是「幾步路，不會累」。對於有人早前在他住所外投擲燃燒彈，黎形容只是「小事」，他沒有被嚇到。問到有何說話想向台灣人民說時，黎說：「支持我們啊，你們面對的，也是一樣的魔鬼啊」。

-----------------------------
【撐學生】
召集有心人 撐學生全年睇《蘋果》
立即按此
-----------------------------
《囚牢之疆》 專頁
揭開集中營邪惡面紗
今日新疆 明日香港