現年41歲嘅日本女星吉瀨美智子，今日宣佈二女已經出世，現時母女平安。
吉瀨美智子喺與上戶彩合演話題劇《晝顏》中演出軌人妻，幕前形象風騷入骨，現實中佢婚姻生活美滿，同實業家丈夫結婚近6年，大女喺2013年7月出世，早前透露再度有喜。

吉瀨美智子今日透過網上報喜，宣佈已經喺10月26號誕下6.2磅重B女，女兒比預產期早咗出世，佢又透露大女已發揮家姐風範，可以幫手照顧妹妹，而佢會依據身體狀況先決定幾時復出。