當年今日
關於我們

地產多聲道:「籲同業公平競爭」

蘋果日報 2002/01/24 00:00


地產代理競爭愈嚟愈有睇頭,之前就打交,近來就興鬥人多,鬥對峙。噚日蘭西到元朗峰景豪園採訪,記者會本來由美聯做搞手,開頭都無唔妥,但喺發展商發言時,突然門外有一陣騷動,大門隨即被關上。之後有人(其他行嘅代理)拍門,發展商要員嘅手提電話亦猛響。
當時大家都一頭霧水,門外忽然傳出一把女聲:「Roger(桂洪集團經理徐志強),寧生叫你聽電話呀!」後來有人開窗重複講多次,Roger先出去講電話。
發展商後來重申,今次開售係委託中原、美聯同鴻運三家代理幫手。記者會完咗,三家公司嘅經紀一齊出現,記者重被經紀圍住派卡片,現場都好重火藥味。
事後美聯發出聲明,指行家衝擊記者會絕不文明,籲同業要公平競爭。
蘭西