每人博彩個性不同，成與敗亦未必看得太緊，玩得開心過癮反而是更重要；但大家有無想過，自己嘅注碼運用，可能已固定自己在某一個角色上，這個定位你又是否甘心，賭得開懷呢？
先哭吓波喪，周中叫大家買不來梅「主勝」，自己另外貪好分，買多條3串4莫斯科斯巴達和串燕豪芬冷W同不來梅冷W，全中有近80倍回報，結果最後1分鐘畀美斯踢爆，唉！近期自己嘅運氣同特攻隊一樣，麻麻哋！

冷門減注變賭熱門

其實我想講嘅係，好些投資嘅利潤同風險可以鎖定，視乎你嘅個性及紀律而已，好以股民可以嚴守止蝕及止賺位；足球博彩普遍行固定賠率制，由你嘅注項獲接納，你已知道中彩後有幾錢落袋。你重注博不來梅「主勝」1.9倍，亦可冷敲單W3.9倍，博取更大嘅回報，風險由你自行評估，不過注碼分大細嘅話，不計勝負，其實你自己已事先在減弱這個不來梅W嘅威力。
正如曾經有一位已退隱嘅練馬師喺訪問中講過，若然馬迷買熱門注碼大啲，買冷門細啲，該馬迷無形中只是在投注熱門馬，畀冷門貼士你都無用。比方說，投注孖寶彩池，但若然你下注100元第1場１號搭第2場１號預計有20倍彩金（即中彩收回2,000元）；而買10元1號搭第2場2號預計有200倍（即中彩亦收回2,000元）；即是話你根本不是在博第2場2號這匹冷門，而是鎖定這條孖寶飛總投注110元，博2,000元彩金（未計跑第2名收安慰獎）。這樣去博彩，大家覺得過癮嗎？畀貼士你買中第2場2號嗰位專家知道都唔高興啦！

賭馬風險大回報高

跑馬嘅吸引力在於風險大，回報高，臨場賠率變化大，對我嚟講係一個極過癮嘅遊戲；足球博彩則不同，搵啱球隊，個人視之為長線投資，博上下盤賠率差不多，無冷熱之分，這是波馬不同之處；但人生事事要循序漸進，早有定局，豈不是淡然無味？馬難賭，也難捨棄。
文：蘋果波神