當年今日
關於我們

歌舞群組|舞界「師公」陪去船P收HERMÈS 與闊太關係:亦師亦友

蘋果日報 2020/12/18 06:00

歌舞群組武漢肺炎標準舞富婆

內地跳舞老師大舉南下,在本港舞界有「師公」之稱的馮彬老師早於20年前已來港教舞,深受闊太歡迎,據稱他教一堂舞45分鐘收費2,000元,而且他經常參加不同闊太學生的飯局、船P等,大收紅酒、HERMÈS等名貴禮物,馮彬接受訪問時形容與闊太關係是「亦師亦友」,去party、生日會是很正常的事,他更以滙豐前一姐王以智以1.2億天價學拉丁舞作例子稱:「佢願意畀有咩辦法?」
馮彬因是首批出戰英國黑池標準舞公開賽的國內老師,自稱曾任國家隊集訓導師,故被譽為舞林高手,近年已來港定居的他,在國內開設跳舞學校,但主力仍是在港教舞,據其社交網站所見,其客人當中不少是有錢闊太,他謙稱:「以前好多(有錢客人),依家多數教一啲…唔一定好富有嗰啲。」他指,其客人由30多至70歲都有,「佢哋都要有啲嗜好,尤其有錢太太,除咗打麻雀、逛街外,仲有咩?最好就係上堂跳舞㗎啦!」
他除教舞外,亦出席不少闊太的飯局、生日會、船P、郊遊等,出入是五星級酒店、私人會所餐廳等,飯後更大收禮物,如名貴香水、法國紅酒、HERMÈS名牌禮物,甚至大籃禮品包等,與學生出席活動,馮彬也相當識做,在船P遊艇不昔趴地為學生影靚相、與學生拍照也不乏親匿動作,氹得對方相當開心。
對於外界傳言,不少男老師是鴨,他指:「出面啲人醜化咗,每一行業都有害群之馬,但我哋大部分老師都係專業嘅。」他為闊太們開脫,指不少太太也很注重家庭,「佢地都係當跳舞係玩㗎啫,總知每星期上幾多堂,之後去Starlight等地方跳茶舞、晚舞,跳完就有私家車接佢哋走!」
對於課後不時出席闊太生日會、派對等,飯後更有禮物收,馮彬形容與學生關係亦師亦友,去生日會、派對都是行內很正常的事,「香港有好多生日、party、校慶,好正常啫,生日人哋送禮物好正常㗎啫,多數係利是囉。」
他以滙豐前一姐王以智以1.2億天價,聘請拉丁舞王舞后學舞作例子,「呢位老師同我哋都好熟,1.2億點計呢?係老師兩夫婦(即舞王Mirko Saccani及妻子Gaynor Fairweather),二人同一時間教佢,一日8堂課,上唔上都8堂,加埋出外比賽費用、花紅,佢哋協議係咁嘅!」被問到費用是否誇張,他起初指:「一年365日,每日8堂,加埋出外比賽嘅business機位、酒店、老師花紅,計埋落去係咁上下啦!」但被記者多次質疑,他才說:「誇張梗係誇張啦,億億聲,但佢願意畀有咩辦法?」
empty
馮彬(左六) 老師的生日會上有大批學生到賀,可見他深受學生愛戴。網上圖片
empty
馮彬在社交平台不時上載有關跳舞的照片。網上圖片
empty
來港教舞逾20年、在本港舞界有「師公」之稱的馮彬老師,深受闊太歡迎。網上圖片
empty
不少學生愛為馮彬老師搞飯局、生日會、船P等,老師們席上大收紅酒及名貴禮物。網上圖片
empty
除了飯局外,馮彬亦會出席船P,生活多彩多姿。網上圖片
empty
不少學生喜愛聘請馮彬老師授課,原因是他曾任國家隊集訓導師,舞技出眾。網上圖片
-----------------------------
你敢爆,我敢獎! 立即WhatsApp 《蘋果》24小時爆相爆片熱線 或致電:63836568
-----------------------------
《蘋果》英文版免費試睇:了解更多
英文版已登錄《蘋果》App,立即下載/ 更新iOS / Android
-----------------------------
支持蘋果深度報道,深入社區,踢爆權貴,即Like蘋果專題及調查組FB專頁