何超蓮今晚到中環出席GIVENCHY開幕酒會，現場韓星李棟旭同Krystal都有出席，問超蓮鍾意邊個，佢話：「我有睇《鬼怪》。」但係佢係鍾意孔劉，所以超蓮答嗰時笑得好尷尬。

跟住超蓮即刻扯開話題，講佢間即將開業嘅牛肉麵，會唔會搵朋友嚟做牛肉麵代言人？佢話：「朋友嚟唔收錢，不過，11號正式開幕就要收錢。」又稱：「俾媽咪試味，試咗蕃茄牛肉麵好好味，試三樣兩樣唔OK。」咁賭王有冇試食俾意見？超蓮稱：「呢個難啲，搬嚟搬去，驚衛生問題。」

不過，鋪頭有中藥湯，超蓮話如果衛生安排到，都會俾爹哋試：「佢有叫我加油。而鋪入面裝修同埋對聯，係都係媽咪安排，媽咪之前去台灣鋪頭試味，都俾介紹俾我。」

講到搞生意，咪冇時間拍拖囉？超蓮口快快話：「我唔會專心做嘢。」嘩！咁咪即係好多兵，如果啲兵日日去鋪頭食麵想識超蓮，咁點算？佢話：「影相傾偈冇問題。」再補充一句：「我冇兵呀！」

相關文章：
【身份神秘】猷啟娶大陸索女 超蓮仲未知弟婦係咩人…
http://bit.ly/2FEr5GV

精選娛聞，喺晒《娛果》
http://fb.com/appledailyent