第三場四班1200米，「晴空萬里」上賽除輸在排檔差，還輸在跑法及不良於行，看賽後只隔一日復課，腳傷影響顯然不大，九成輸在不留而放，與以往一定要留後才跑得好，騎法全不一樣。相隔一個月再次出爭同程，由十檔變三檔，同場又夠快馬，看不出再有搶放的理由，會見真章。
「悅欣賞」上仗贏得險，水準或許不算太高，但勝在跑法主動，這次又有一檔幫助，仍是重心之一。最有機會殺晒是初出「保羅威威」，來港前已試過兩課大閘，打好底，抵港後，早於九月中已開始跳，試三次大閘，近兩課先試留後，再試搶放跟前，經由潘頓試到準，出王牌報今場，抽四檔唔難跑，必須高度留神。
「金紫荊」九檔，「大將風馳」11檔，同樣都唔好，狀態水準也差不多，二揀一仍屬意較準的「金紫荊」。「高耀之寶」上仗守好位，直路騎落無，失望，復課狀態欠進展。「祥勝戰駒」相隔兩周再跑，也欠變化。「蜜圈」夠快，但1200未必能捱到尾。「大家關心」上次放頭跑唔啱數，惟仍欠足夠理據揀牠。
「但求勝」五班都唔得，轉爭四班更難。「飛龍在天」埋門大閘末段開埋鞭都無加速。「贏馬加鞭」初跑谷草排12檔，更難。