大賽日吼大摩，全因每逢這類賽日，他照例會安排一批惡馬出場，昨日睇晒咁多馬，最受關注的「威爾頓」，固然無唔精神，反而覺得回復得幾快。其他馬，最大變數是換人，數匹由羅理雅跑開的「菁英神采」、「八心之煌」、「車神」及「一寶」，分別改配貝湯美與莫雷拉兩大殺手，更教人期待會有不同發揮。
最唔服氣就是第三場「八心之煌」和六場「車神」，前駒一場塞車，一場兜大彎蝕到嘔，連輸後大摩終於肯定報1600米，不再堅持跑1400米，始終來港唯一頭馬就是贏1600米，此為變數一，變數二是換莫雷拉，昨日睇人馬在草地快試，一啲都唔急，沿途無搶口，跳完收韁也無扭頭擰頸，唔聽話表現，真係跳得好好！不過，好還好，由於跑法受限制，縱跑1600米都要結合步速形勢，今場睇落有數匹前置馬，對至少要有正常步速才能發揮水準的「八心之煌」而言，形勢尚覺可以。