【新機搶試】$3,498國產Vivo V11 平玩屏幕指紋解鎖
蘋果日報 2018/09/29 00:03
攝影海洋公園手機自拍哈佬喂Gadget Guy屏幕指紋全屏幕
Vivo V11開價$3,498，但就配置了屏幕指紋解鎖科技和全屏幕設計。
國產手機品牌近年在創新科技，和打入香港市場上都相當積極，之前就搶先推出屏幕指紋解鎖手機，連Apple同Samsung兩大牌都尚未配備，實試過亦唔係流嘢玩玩下，速度和辨識指紋的準確度都可媲美實體鍵。不過最強的Vivo NEX要成5千幾蚊，就算低一級的X21都要4千幾，想玩屏幕指紋解鎖都唔算平。幸好品牌剛把這新技術下放至更中價的V系新機V11身上。
這部開價$3,498的新機，設有屏幕指紋識別，實試不比NEX和X21弱，同樣順暢爽快，亦少有認唔到情況。玩得屏幕指紋，當然就要盡用機屏比，V11設有6.41吋屏幕，機屏比達91.27%，雖然沒有NEX的彈出前置鏡頭，而是在屏幕頂開了一個小鏡頭位，但全屏幕觀感和手感依舊，以3千多元來說，單是買咁嘅未來感外形都已算抵玩。
除此之外，V11的其實硬件也沒有馬虎，主鏡頭用上1200萬像素Dual Pixel+500萬像素雙鏡頭，配上F1.8大光圈，更玩埋AI場景識別甚至AI人像構圖。實拍效果話超靚就呃你嘅，但感覺已算相當不俗，陽光下拍攝清晰實淨，但開HDR.就有點假；暗黑中拍攝雖有不少微粒但仍屬清晰，對焦反應亦相當唔錯，HDR效果比室外背光環境好。而同唔少標榜自拍的手機相似，V11的前置鏡頭像素相當高，有成2500萬像素，當然亦唔少得美顏功能，愛自拍最啱。
特別一提是，為了強調Vivo針對打機功能升級，會對遊戲進行優化設定、快捷開啟遊戲相關功能、甚至新增掛機模式，讓手機在黑屏狀態，遊戲也照樣運行等功能。今年品牌就進駐了海洋公園哈佬喂，特設一間鬼屋，利用V11配上弓箭型配件，大玩AR射鬼，試玩感覺都相當流順，也是頗新穎的體驗。整體來說，V11性格比可算非常高，想平玩屏幕指紋解鎖，絕對值得一試。
記者、攝影：韓繼聰
沒有NEX的彈出前置鏡頭，而是在屏幕頂開了一個小鏡頭位，前置鏡頭像素相當高，有2500萬像素。
6.41吋屏幕，機屏比達91.27%，全屏幕觀感和手感跟NEX相近。
品牌就進駐了海洋公園哈佬喂，特設了攤位和鬼屋。
鬼屋以「妖怪大捕手」為提。V11試相，陽光下拍攝清晰實淨。
HDR試相，感覺有點假。
暗黑中拍攝雖有不少微粒但仍屬清晰，對焦反應亦相當唔錯。
超低光下拍攝清晰度一般，但3千多元的手機做到咁都算ok。
試玩感覺都相當流順，也是頗新穎的體驗。
利用V11配上弓箭型配件，大玩AR射鬼。