娛樂怪史：李華月褻瀆文武廟
蘋果日報 2007/03/23 00:00
時間
95年
地點
文武廟
人物
李華月
經過
娛樂圈好多女星都拍過寫真集，好似鄭文雅、王小鳳、李麗珍同陳雅倫都先後影過，不過佢哋點都唔夠三級女星李華月搏到咁盡。
李華月為咗搏上位，除咗拍戲肯打真軍外，95年為咗宣傳售價僅80蚊嘅《李華月四點盡露寫真集》，特登走去文武廟取景，佢去嗰度影相本來冇乜嘢咁特別，最搞鬼係明知廟宇係神聖地方，李華月仲居然袒胸露點，認真該煨，大吉利是。
李華月當時仲話自己有咁嘅構思，主要想突出過其他女藝人嘅寫真集，佢話：「我每輯相都有唔同嘅主題，部份喺文武廟影，部份同蛇一齊影，而且仲有第四點睇。雖然我唔係咁願意，但都幾有宣傳價值。」其實係唔係咁多人對佢嘅第四點咁有興趣，就真係見仁見智，論騎呢論出位，佢認咗第二，真係冇人敢認第一。
近年，李華月都銷聲匿迹，佢99年現身過灣仔珠寶展，當時自爆跟外籍男友William移居美國三藩巿，仲幫佢手打理珠寶生意。
本欄逢周一至周六刊出
李華月為咗搏上位，除咗拍戲肯打真軍外，95年為咗宣傳售價僅80蚊嘅《李華月四點盡露寫真集》，特登走去文武廟取景，佢去嗰度影相本來冇乜嘢咁特別，最搞鬼係明知廟宇係神聖地方，李華月仲居然袒胸露點，認真該煨，大吉利是。
李華月當時仲話自己有咁嘅構思，主要想突出過其他女藝人嘅寫真集，佢話：「我每輯相都有唔同嘅主題，部份喺文武廟影，部份同蛇一齊影，而且仲有第四點睇。雖然我唔係咁願意，但都幾有宣傳價值。」其實係唔係咁多人對佢嘅第四點咁有興趣，就真係見仁見智，論騎呢論出位，佢認咗第二，真係冇人敢認第一。
近年，李華月都銷聲匿迹，佢99年現身過灣仔珠寶展，當時自爆跟外籍男友William移居美國三藩巿，仲幫佢手打理珠寶生意。
本欄逢周一至周六刊出
李華月曾自稱跟隨外籍男友William學做珠寶生意。