【積奇挑機】加眼罩貫注力增強！「同有友」抽1檔博一博
蘋果日報 2019/12/31 22:00
元旦1檔加眼罩積奇挑機貫注力同有友
同有友今戰縮程及加眼罩，頗有冷味。
元旦（1月1日）沙田賽馬，沙田今次編跑十場全草地用C跑道角逐，天氣回復正常，應該唔會落雨。
莫雷拉復出，彭國年初次上陣，蔡約翰擺強陣，且看能否威番次。
第一場四班1200米，「同有友」已跑過兩仗，本身夠速度，貫注力還未練好，故上仗跳程跑1400米，落敗是意料中事，就當吸取經驗。
此駒復課積極操練，試大閘加眼罩，效果甚滿意，帶放末段貫注力增強，省後再加強快試，粗壯馬收身更進，成熟程度及狀態均大幅攀升。
今仗跑番1200米，抽1檔起步大有幫助，有賠率值得一博。
「上校」初出直路賽上名，姚廐來得快之自購新馬，復課拍跳好輕鬆。
今次配新公司騎師彭國年，當打法籍好手，可期初試啼聲即有好表現。
「都柏名駒」操足而來已上力；「肥仔」谷草跑到悶，返田草會更佳。