當年今日
關於我們

  中國發展論壇有料到 - 李八方

蘋果日報 2002/03/26 00:00


北京釣魚台國賓館呢兩日有好多財經猛人出沒,出席一年一度的「中國發展論壇」。呢類場合,對外貿易經濟合作部部長石廣生講WTO,人民銀行行長戴相龍講銀行改革,財政部副部長樓繼偉講積極財政政策,一啲都唔稀奇。即使有望出任下屆總理嘅溫家寶坐鎮,都係正路波。
奇就奇在外資大行大粒佬竟然好關注個論壇,滙豐控股主席龐約翰坐足兩日,聽晒所有演講,滙控去年賺四百二十二億元,主要靠歐洲同香港,中國未入流,家陣主席都坐定定聽足兩日,下面班夥計應該收到,知道應該點做。
美資大行摩根士丹利就知道有啲客真係去唔到聽演講,全球策略分析員羅奇即刻出咗份報告,將主要講話撮要及加上評註,都算高度重視兼畀面。
(圖)連主席龐約翰都坐足兩日聽「中國發展論壇」,滙控班夥計應該知道點做。


E-mail:[email protected]