【我自求我路】黃冠斌享受自由身 開網上頻道誠邀DSE學生合作
DSE王宗堯黃冠斌
前港台DJ黃冠斌一直以來也有在社交平台為公義發聲,今年初他在個人IG上載了相片,一班朋友包括好兄弟王宗堯為他慶祝生日,相片當中他一手持寫着「願榮光歸香港」的生日黃色蛋糕,另一隻手高舉「黑警死全家」的賀年揮春,之後不久他疑似被辭職,其後他在節目中向觀眾道別,再在IG貼出在港台直播室的背影相,寫着:「我走我的路。」斌仔一直沒有因此而怕了自我滅聲,反而仍活躍於很多自發性的義工活動,與王宗堯一起幹實事,在武漢肺炎仍然威脅香港人時,他們送口罩、送物資給有需要的人。
做了十幾年港台DJ的斌仔,今日與王宗堯於新蒲崗一起出席文化界人士舉行的記者會透露近況,自由的日子他行出新路向,除了仍然有主持開電視的節目外,近日在YouTube開設個人頻道,稍後打算幫助應屆DSE考生,他說:「好多謝一班朋友同路人、或者傳媒人上嚟我嘅頻道傾偈,因為疫情關係好多人都唔出街,反而自己做好多創作影片,喺網上平台搶灘,而家反映咗大家都要有創新嘅嘢,我個平台會係綜藝嘅嘢多,之後會諗同DSE學生合作,佢哋好辛苦,特別今年,之前喺唔同渠道有派下物資畀有需要嘅街坊、前線清潔朋友,之後係到學生,佢哋無可奈何去人口密集嘅地方考試,單靠1層(口罩)唔係唔得,但要考3年你就儲到3層,就可以做到呢件事。」
在音樂界認識了一班人,他亦有在唱片公司幕後擔任創作事情,賣腦sell橋:「而家都有喺唱片公司幫手做一啲媒體創作,有啲歌手有合作,以前除咗音樂上未必係最幫到手,未必識製作音樂,但有啲創作概念交流,因為睇到之後勢頭係咪需要轉型,大家傾偈會唔會撞到新諗頭。」
-----------------------------
第三屆最港電影大獎
按此立即投票 -----------------------------
【武漢肺炎】專頁 全民自救 抗疫資訊盡在《蘋果》
黃冠斌在YouTube開設個人頻道,打算邀請應界DSE考生。(攝影:仇志德)
斌仔與王宗堯老友鬼鬼,今日齊齊出席文化界人士記者會。
斌仔因為在社交平台上載「黑警死全家」揮春相,被辭職港台工作。