【蘋果25】陳日君讀蘋果了解世界 在現實生活行神的旨意
蘋果日報 2020/06/20 00:01
陳日君25周年蘋果25
陳日君已經過時了，和《蘋果日報》一樣，是新生代眼中走路轉身都不再輕盈的老人。從正權主教走到教會邊緣，從逾50萬銷量的大報走到創辦人再粉墨登場宣傳，《蘋果》成為陳日君唯一仍然每天看的報紙，辦公室內《蘋果》重重叠叠，層層綿延到走道另一旁的房間，有完整一份、有輕巧一叠、有部份影印重點眉批，有種對同時代的眷戀；彷彿有了這個伴，這段凡塵大暴走之旅就不會太孤單。
修道人，本來沒有甚麼是放不下的，然而單看他房間內達「儲物癖」級數的《蘋果日報》量，陳日君的斷捨離之路，可說是一敗塗地。雖然他可能不這麼認為，因為現年88歲的他，至少比24年前加入教區當助理主教時有「進步」，「教區嗰度有《蘋果》，同埋好多其他報紙，全部都會睇，有時仲會剪報。」現在呢？「全部唔睇㗎喇，無時間，以前都睇《羅馬觀察報》，而家都無睇喇，耶穌會《公教文明》以前好有聲望，而家完全唔睇。」
年紀大，他聲稱有「照顧自己多啲」，睡眠時間由4小時「大增」至6小時，多出來的空間則來自把創刊170年，正值中梵協議簽訂後推出簡體版並以「撰寫與中國人民的寶貴傳統友好往來的新篇章」為願景的耶穌會刊物《公教文明》，以及為教宗方濟各接納7名中國大陸主教護航的《羅馬觀察報》等多份讀物，剔出每日必讀名單。
赫赫有名的教會主流刊物不讀，留着連在世俗人都認為譁眾取寵、低級趣味的《蘋果》，陳樞機算是甚麼玩法？「人哋咁講，都會影響我㗎，咪小心啲睇囉，《蘋果》好多嘢都有好具體數據，人哋都駁唔到，人哋啲講法都係好籠統，無證據㗎，所以我覺得《蘋果》幾可信㗎，當然啦，邊個俾佢追到都慘喇，哈哈！」
他主動說： 「《蘋果》好多嘢好好，好多嘢有時（自己）諗唔清楚，而家發生咁多事，唔掉㗎喇，唔捨得掉。而家日日有新嘢，啲嘢都好緊要㗎喎，一直擺喺度，特別係啲文章同相片，以前會剪低相片同數字表，好認真。好彩仲有呢份報紙，其他應聲蟲嚟㗎，洗腦㗎。」
即時新聞面世後，地球自轉速度也以幾何級數增加，一天仿似一星期，是今天、昨天還是前天的事？還是根本沒有發生？編輯部多年的剪報傳統畫上句號，取而代之是全民追push，重要及不重要的事被一併迅速遺忘，陳日君覺得，流動的現實，正好和不變的《聖經》互補。
「教會任何事都以《聖經》為標準，標準用喺而家發生緊具體嘅事上，咁而家發生咩事呢？要知道邊份報紙係靠得住，咁樣你先知道點樣實現福音既要求。」他說福音是抽象的，信徒要了解世界，把天主的說話應用在生活當中，「每日都要睇報紙，唔係奢侈，用半個鐘頭睇報紙係好應該㗎。」
耶魯大學歷史系講座教授史奈德（Timothy Snyder）所寫的《暴政》（On Tyranny），第二章「Defending Institutions」提到：
“It is institutions that help us to preserve decency. They need our help as well. Do not speak of 'our institutions' unless you make them yours by acting on their behalf. Institutions do not protect themselves. They fall one after the other unless each is defended from the beginning. So choose an institution you care about—a court, a newspaper, a law, a labor union—and take its side.”
陳日君認為正正是香港人所需要的一課，政權現在「橫咗條心」、「扯破面」，人民不能單純樂觀，但亦毋須太悲觀，「新聞自由係好好寶貴，到咗個地步要提醒大家，你唔好單單享受，要貢獻、要付出、要支持，佢（傳媒）幫咗你好耐，可能有個時間你應該要幫佢。好多人唔敢喺《蘋果》度賣廣告，甚至唔敢買嚟睇，我認為買嚟唔只自己睇，睇完仲要畀人哋睇，呢個時間要知道自己應該企喺邊度。」
「如果聽日蘋果日報無咗咁點呀，點過日子？可能要地下蘋果日報，我哋自己印囉，自己去踩單車派。」他提醒港人保持鎮定，預備壞日子到臨，「你越驚佢越容易控制你，你一驚就乜都唔敢做，但我哋好需要有人勇敢。」
相識逾20年的朋友、《蘋果》創辦人黎智英，就是他眼中勇敢到「傻更更」的一員，「佢真係唔怕死㗎，共產黨最怕唔怕死嘅人。我哋唔好怕死，人生都係為咗一啲價值，唔應該為咗生命，犧牲啲價值，為咩嘢我哋生喺世界上？」
說完這句，他笑一笑，「當然我呢個年紀梗係風涼話嚟㗎，意思係我會以後生仔為榜樣。」88歲走上勇武前線恐怕會被嫌棄，但一副老骨頭抵住無情歲月，中秋節一路走上獅子山之巔也不是開玩笑的，即使看來是絕對的和理非；這一幕和所有2019年的抗爭畫面，以及陳日君本人在梵蒂岡獲擢升為樞機一樣，登上過《蘋果》的A1，承載的毅力、勇氣和榮光，會同樣浩浩蕩蕩地過氣，實實在在地寫進香港的一頁歷史。
「斷捨離」其中一個法則，有感情的物件可以留到最後才捨棄，在教會權貴眼中的不受歡迎人物陳日君一路上卻握着《蘋果》不放。原因大概是油墨背後不僅是一件有形的物件，而是和他一樣不討喜、一位一直忠誠的同行者。
記者 張嘉雯
-----------------------------
反送中一周年，《蘋果》整理大量涉及警察濫暴濫權等資料，製成詳盡資料庫，請按此閱讀圖表版本 ／純文字版本
-----------------------------
打國際線 《蘋果》英文版免費試睇 按此了解更多
英文版已登錄新版《蘋果》App按此下載/更新
-----------------------------
App內1-Click訂閱《蘋果動新聞》
按此了解更多
修道人，本來沒有甚麼是放不下的，然而單看他房間內達「儲物癖」級數的《蘋果日報》量，陳日君的斷捨離之路，可說是一敗塗地。雖然他可能不這麼認為，因為現年88歲的他，至少比24年前加入教區當助理主教時有「進步」，「教區嗰度有《蘋果》，同埋好多其他報紙，全部都會睇，有時仲會剪報。」現在呢？「全部唔睇㗎喇，無時間，以前都睇《羅馬觀察報》，而家都無睇喇，耶穌會《公教文明》以前好有聲望，而家完全唔睇。」
年紀大，他聲稱有「照顧自己多啲」，睡眠時間由4小時「大增」至6小時，多出來的空間則來自把創刊170年，正值中梵協議簽訂後推出簡體版並以「撰寫與中國人民的寶貴傳統友好往來的新篇章」為願景的耶穌會刊物《公教文明》，以及為教宗方濟各接納7名中國大陸主教護航的《羅馬觀察報》等多份讀物，剔出每日必讀名單。
赫赫有名的教會主流刊物不讀，留着連在世俗人都認為譁眾取寵、低級趣味的《蘋果》，陳樞機算是甚麼玩法？「人哋咁講，都會影響我㗎，咪小心啲睇囉，《蘋果》好多嘢都有好具體數據，人哋都駁唔到，人哋啲講法都係好籠統，無證據㗎，所以我覺得《蘋果》幾可信㗎，當然啦，邊個俾佢追到都慘喇，哈哈！」
他主動說： 「《蘋果》好多嘢好好，好多嘢有時（自己）諗唔清楚，而家發生咁多事，唔掉㗎喇，唔捨得掉。而家日日有新嘢，啲嘢都好緊要㗎喎，一直擺喺度，特別係啲文章同相片，以前會剪低相片同數字表，好認真。好彩仲有呢份報紙，其他應聲蟲嚟㗎，洗腦㗎。」
即時新聞面世後，地球自轉速度也以幾何級數增加，一天仿似一星期，是今天、昨天還是前天的事？還是根本沒有發生？編輯部多年的剪報傳統畫上句號，取而代之是全民追push，重要及不重要的事被一併迅速遺忘，陳日君覺得，流動的現實，正好和不變的《聖經》互補。
「教會任何事都以《聖經》為標準，標準用喺而家發生緊具體嘅事上，咁而家發生咩事呢？要知道邊份報紙係靠得住，咁樣你先知道點樣實現福音既要求。」他說福音是抽象的，信徒要了解世界，把天主的說話應用在生活當中，「每日都要睇報紙，唔係奢侈，用半個鐘頭睇報紙係好應該㗎。」
耶魯大學歷史系講座教授史奈德（Timothy Snyder）所寫的《暴政》（On Tyranny），第二章「Defending Institutions」提到：
“It is institutions that help us to preserve decency. They need our help as well. Do not speak of 'our institutions' unless you make them yours by acting on their behalf. Institutions do not protect themselves. They fall one after the other unless each is defended from the beginning. So choose an institution you care about—a court, a newspaper, a law, a labor union—and take its side.”
陳日君認為正正是香港人所需要的一課，政權現在「橫咗條心」、「扯破面」，人民不能單純樂觀，但亦毋須太悲觀，「新聞自由係好好寶貴，到咗個地步要提醒大家，你唔好單單享受，要貢獻、要付出、要支持，佢（傳媒）幫咗你好耐，可能有個時間你應該要幫佢。好多人唔敢喺《蘋果》度賣廣告，甚至唔敢買嚟睇，我認為買嚟唔只自己睇，睇完仲要畀人哋睇，呢個時間要知道自己應該企喺邊度。」
「如果聽日蘋果日報無咗咁點呀，點過日子？可能要地下蘋果日報，我哋自己印囉，自己去踩單車派。」他提醒港人保持鎮定，預備壞日子到臨，「你越驚佢越容易控制你，你一驚就乜都唔敢做，但我哋好需要有人勇敢。」
相識逾20年的朋友、《蘋果》創辦人黎智英，就是他眼中勇敢到「傻更更」的一員，「佢真係唔怕死㗎，共產黨最怕唔怕死嘅人。我哋唔好怕死，人生都係為咗一啲價值，唔應該為咗生命，犧牲啲價值，為咩嘢我哋生喺世界上？」
說完這句，他笑一笑，「當然我呢個年紀梗係風涼話嚟㗎，意思係我會以後生仔為榜樣。」88歲走上勇武前線恐怕會被嫌棄，但一副老骨頭抵住無情歲月，中秋節一路走上獅子山之巔也不是開玩笑的，即使看來是絕對的和理非；這一幕和所有2019年的抗爭畫面，以及陳日君本人在梵蒂岡獲擢升為樞機一樣，登上過《蘋果》的A1，承載的毅力、勇氣和榮光，會同樣浩浩蕩蕩地過氣，實實在在地寫進香港的一頁歷史。
「斷捨離」其中一個法則，有感情的物件可以留到最後才捨棄，在教會權貴眼中的不受歡迎人物陳日君一路上卻握着《蘋果》不放。原因大概是油墨背後不僅是一件有形的物件，而是和他一樣不討喜、一位一直忠誠的同行者。
記者 張嘉雯
-----------------------------
反送中一周年，《蘋果》整理大量涉及警察濫暴濫權等資料，製成詳盡資料庫，請按此閱讀圖表版本 ／純文字版本
-----------------------------
打國際線 《蘋果》英文版免費試睇 按此了解更多
英文版已登錄新版《蘋果》App按此下載/更新
-----------------------------
App內1-Click訂閱《蘋果動新聞》
按此了解更多
《蘋果》出抗暴之戰特刊，陳日君各個版本都入貨，送給海外友人。
陳日君認為，《暴政》（On Tyranny）第二章「Defending Institutions」內容，正好是港人要上的一課，要付出和支持自己相信的媒體。
《蘋果》塞滿陳日君辦公室裏裏外外，自言看完捨不得掉。
陳日君還會把部份《蘋果》影印保存兼眉批。