曾參演日劇《交響情人夢》嘅33歲男星小出惠介，受性醜聞影響演藝事業，一名17歲女事主直指小出惠介喺大阪拍劇期間，有人趁女方飲醉後，將其帶往酒店禁室培慾6小時，五次性交過程當中，小出更有三次在少女體內射精。有傳女事主曾向小出索取500萬日圓（約35萬港元），由於最後都係冇錢落袋，所以才向傳媒爆料報復，懷疑小出誤墮桃色陷阱。

日前，小出所屬事務所發聲明指，本月10日已透過律師跟17歲女事主及其監護人達成和解。話雖如此，但小出曾跟未成年少女酒後性交，因「衰十一」而違反大阪青少年健全育成條例，日本傳媒指大阪警方將傳召小出調查。

小出鬧出大頭佛後，傳媒即翻炒佢同《交響情人夢》女星紗榮子嘅舊情，事關小出06年4月同紗榮子假戲真做擦出愛火，當時小出讀慶應義塾大學、紗榮子就讀早稻田大學，一度被視為「早慶情侶」，同年5月小出去紐約遊學，紗榮子當時瞞住事務所飛去當地密會小出，不過8月個月後，紗榮子突然宣佈同棒球界型男達比修有奉子成婚，令外界才知道小出已「被分手」，有人歸咎小出被紗榮子傷得太深，繼而麻醉慾海變咗性上癮。