【新增短片】
上屆澳門立會「票王」、民眾建澳聯盟創會主席陳明金，今屆不再參選，改派兩名愛將分拆名單參選，包括施家倫及宋碧琪。晚上11點40分左右，陳明金聯同施家倫、宋碧琪到澳門民建聯總部等待開票，三人抵達時，現場支持者鼓掌歡迎，三人走到台下與支持者逐一握手。

施家倫在公佈點票結果前表示，自己心情平靜，過去數月已盡力，「信心就一定要有，不過就任何結果都接受。」問及會否擔心與宋碧琪配票不均，「我諗同碧琪希望大家都有個好成績，呢個要等開票先知道。」施指對澳門市內票站信心較大，目標力爭兩席，「過往北區票源都比較多啲，我諗經過咁多年嘅努力，相信其他澳門其他區域都會有返啲票源。」施家倫指過去十年積極推動青年工作，對青年票源有信心，今屆多3萬人為首投族，施家倫指希望兩組總得票可超越上屆。

宋碧琪指抱着期待的心情等開票，但會用平常心面對結果，宋碧琪感謝選民支持，她指對難以估計在哪一區可取得最高選票，但以人口來計算，則對北區選票較有信心，因北區人口較集中，宋碧琪指過去4年推廣全澳性的服務，希望爭取全澳選民的支持。

最終原本目標力爭4議席的民建聯，只取得兩席，僅施家倫及宋碧琪成功連任，比上屆3席少了1席，總得票24,976票，亦比上屆26,385票減少。施家倫指民建聯一直以來「保二爭三」，但最終只得兩席，相信受不同因素影響，「第一拆散兩組、第二陳生冇出嚟參選，競爭又大，所以喺呢方面令票數冇2013年2萬多票嘅理想。」不過施仍認為民建聯今次交捧成功，「我哋一直保二爭三，我諗交棒都屬於成功嘅，因為我哋拆咗兩組，一直交棒都係交俾我哋兩個。」他承認民建聯減少議席，會令民建聯在議會上的力量受到影響，「未來嘅議會工作當然兩席，同三席係議會嘅力量上係更好，最起碼多一票，所以係呢方面我哋未來都會調整個方向。」

相比起施家倫的輕鬆，宋碧琪得知結果後則顯得面色凝重，她承認得票率較以往低，令自己心情有落差，「今一次競爭確實激烈，加上今屆投票率比以往係多，所以係種種因素之下，對於我哋團隊暫時保住兩席呢個席位，係基本盤保住嘅，但係對於要爭取三席，我哋係有些少嘅落差，呢個係我哋團隊唔想見到嘅一件事。」宋指無論結果如何，他倆都要承擔起交棒責任。