當年今日
關於我們

隔牆有耳:政助實行第三十六計 - 李八方

蘋果日報 2012/05/31 00:00


狼振英嘅地獄班子逐漸成形,唔少人自投狼網,應徵做新班子嘅政治助理,但一班現任政助似乎見過鬼怕黑,肯留低嘅人寥寥可數。八方聽聞,除咗可以「升呢」做副局長嘅現任勞工及福利局政助莫宜端、發展局政助張文韜外,其他政助幾乎全部七一即撇,覺得此地不宜久留。
可能眼見時日無多,民政事務局政助徐英偉以及教育局嘅政助楊哲安,噚日破天荒主動行去咪兜,大談任內感受,兩位都話冇人要佢哋留任;楊哲安咪後坦言,未來想轉吓新環境,答案都呼之欲出。即將做新郎哥嘅食物及衞生局政助陳智遠據聞都會較腳鬆人;雖然俾人鬧人工太高,但佢噚日直言問心無愧。