韓國近年有唔少出名嘅美魔女，個個都狀態勁弗，當中現年40歲嘅女主持金景華，即使已經係兩女之母都勁弗，令網民非常好奇佢嘅keep fit心得。

金景華不時於Instagram公開佢穿小背心、短裙嘅照片，大晒好身材。近日金景華表示佢嘅體脂肪係5.9kg，體脂率係11.7%，基礎代謝率係1,336kcal，臀部尺寸係93cm（約36.6吋）。

對於維持身材嘅秘訣，金景華就曾於節目中表示減肥係因為老公，透露生B後因為身材走樣而令重視外表嘅老公好傷心，之後金景華就努力健身，培養到運動嘅習慣後，好自然就會更弗。

日前金景華更於Ig公開佢於健身房嘅新照，表示大家可以向佢請教減肥嘅問題，佢都似乎準備要開班教keep fit，令人期待。

精選韓流，喺晒《娛果》
http://fb.com/appledailyent