之前都提過鄭秀文(Sammi)鍾意帶超出街，無論任何款式設計，都一樣carry得咁入型入格，而且仲要差唔多隔日就有新款。日前，Sammi又貼新相，仲忍唔住話「夏日炎炎，戴「超」是必須的」又帶新黑超，今次所帶的款式來自Prada 2017春夏系列，一片式的鏡片設計，有型之餘，仲帶點復古味。

另外，Sammi更大騷同樣來自Prada的新手袋，這款Etiquette手袋設計刻意將品牌衣服及鞋履內的藍色標籤變成壓印皮革版本，裝飾在袋面的皮框中間變成主角，加上袋邊的圓形窩釘，低調卻充滿細節，實用性非常高。除了Sammi手上拿著的粉紅色，仲有黑色、白色、綠色，並有另一款容量極大的Tote Bag款式選擇。