喺旺角場舉行嘅菁英盃4強爆發地區大戰，和富大埔半場以1:0領先冠忠南區。

南區今場有門將謝德謙趕及傷癒復出，雙方亦按照菁英盃賽例，派出多位外援應戰，南區有劉學銘同陳港斌兩位U22球員擔正，大埔就有陳俊樂同梁星耀上陣；戰至上半場補時3分鐘，大埔憑陳俊樂建功，領先1:0完半場。今場勝方將會同香港飛馬爭奪冠軍。