榴槤屋空降入將中

蘋果日報 2005/12/21 00:00


商場業主揀客得多,但係新地將軍澳中心新搞嘅美食廣場,為求租戶組合有特色又受市場歡迎,竟然不惜跨區撬客。
聽鍾秀蓮講,全港獨有嘅榴槤屋,就係佢千里迢迢由大埔「連根拔起」空降入嚟。
伊人話,自從得悉榴槤屋成日爆滿,專程走入佢哋大埔個街舖索吓啲味,發現佢哋有條源自新加坡嘅獨門秘方,整嘢食嗰陣,冇氣味發出,咁就唔驚引人反感。
店主原來亦有意進駐大型商場,雙方一拍即合,為咗要全情投入,重一家大細搬埋入將軍澳住。