當年今日
關於我們

【阿嬌結婚】吳千語大Deep V賀阿嬌 唔怕同舊愛林峯碰面:見到會打招呼

蘋果日報 2018/12/20 20:53

吳千語楊丞琳林峯

鍾欣潼(阿嬌)今晚同老公賴弘國(Michael)喺九龍一間酒店舉行婚宴,唔少圈中藝人好友都有現身到賀,吳千語就穿上大Deep V超短裙索爆現身,問佢準備咗乜嘢禮物?佢就話送現金最實際,又祝阿嬌快啲生幾個寶貝,相信阿嬌都幾鍾意小朋友。今年3月,千語同林峯各自宣佈已經分手,隨後傳出千語新歡,係全國政協兼地產商施子清孫兒施伯雄(Brian),千語今晚被問出席婚宴,會否對結婚有更加有憧憬?佢就話對佢嚟講係尚早,過多幾年先。
至於,今晚可擔心會同舊愛林峯撞到正?千語就似乎唔係好介意,佢話:「見到會打招呼,唔會驚,都咁耐啦,不過一直都無撞過。」講到林峯已有女友,問千語會唔會叫對方都快啲結婚?千語就避談話:「佢嘅事唔評論喇,見面就無問題。」關於兩人早前傳翻撻,千語就好大反應咁話:「吓,你哋寫之嘛,梗係冇啦,假嘅。(感情生活點?)現階段有定冇都好開心同好充實,啱啱拍完兩部戲,一月又要走,聖誕可以休息。(會唔會過Lonely Christmas?)聖誕約咗朋友,唔會自己一個人過。」
另外,楊丞琳因為今年5月冇出席阿嬌同Michael喺美國搞嘅pre wedding party,被網民追問到幾乎發火,喺網上回應:「我被邀請參加的不是美國這場婚宴,新聞在沒有求證我的情況下就寫我會去,請你們不要一直問好嗎?而且很重要嗎?不能只是祝福她嗎?」今晚終於現身。
楊丞琳喺助手陪同下,約於7點半左右抵達酒店門外,入場前佢亦有停步讓傳媒拍照,但被問到會送甚麼禮物給一對新人時,佢就未有回應,身邊助手隨即就話要趕住入去。
精選娛聞,喺晒《娛果》
http://fb.com/appledailyent
empty
(攝影:葉君海)
empty
吳千語今晚着大Deep V去飲,加埋條長腿,夠晒搶鏡。(攝影:葉君海)
empty
楊丞琳今晚終於出現阿嬌婚宴。(攝影:葉君海)
empty
原來陳研希今晚都有去阿嬌婚宴,仲同楊丞琳影合照(ig圖片)
empty
(ig圖片)