細細粒家居隔離食出禍 肥到個磅見error
蘋果日報 2020/09/22 19:53
細細粒陳嘉佳幾多磅
「細細粒」陳嘉佳在本月初因為工作關係而飛返上海，抵步後隨即被送往家居隔離，直到前日可以出關，當時她拍了一條短片，興奮地說：「我唔知點樣可以形容我呢刻嘅心情，蟹粉小籠包你要等我，紅燒東坡肉你要等我，新疆羊肉串你要等我.......我嚟啦我要出關啦！」
不過細細粒似乎「食出禍」，今日她在IG貼了一條自拍短片，片中見到身穿浴袍的細細粒發現入住的酒店有磅並說：「希望隔離呢10幾日唔係肥好多，我而家上磅先。」結果她連續上磅3次都出現「err」的字樣，她忍不住說：「error？我唔係肥到連個磅都磅唔到呀？唔好玩喇？我究竟幾多磅呀？」接着她又再留言：「唔好咁啦，磅兄係你壞咗咋？應該唔會重好多掛...大鑊、大鑊...我究竟幾多磅？」緋聞男友何遠東亦忍不住留言叫她放過個磅，但細細粒反問：「會唔會真係壞咗呢？」
查實細細粒在隔離其間，每天都是過着「食完又瞓、瞓完又食」的生活，每一日的話題都離不開食，在隔離的第6天，她曾經買了一個磅送給自己，希望提醒自己不要再肥下去，可惜在運送途中跌爛，所以細細粒未有上磅的機會，直到出關當日更加變本加厲，在朝早6點去到了當地一間著名的蔥油餅排隊，最後排了個多小時才成功買到。
細細粒今日在IG貼上磅片，結果連磅3次都出現「err」的字樣。（IG截圖）
細細粒在隔離前夕，已經準備了大量零食。（微博圖片）
細細粒經常在IG update自己的食況。（IG截圖）
細細粒本來打算買磅，check一check自己的體重。（IG截圖）
細細粒出關當日，已經預告會吃甚麼。（IG截圖）
-----------------------------
《蘋果》英文版免費試睇：了解更多
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！