【棟析先機】有銀分又有A級狀態！「問鼎高峰」未到頂（陳華棟）
蘋果日報 2019/12/25 22:20
谷草問鼎高峰陳華棟棟析先機A級狀態
問鼎高峰（近）新勝四班谷中1200米
阿棟成日都話賭一匹馬只限三次，三次都唔掂就要放棄，但有啲人就唔會咁做，好似啱啱又再上陣嘅「小福將」，賽前又嚟落飛，已經係本身連續第七次。
結果又係同之前六場一樣，輸得唔遠但上唔到名，連第五名獎金都拎唔到，究竟幾時先至會收手唔落飛？
呢匹馬已經減到得番39分，下次可以跑五班賽，會唔會屆時先唔落飛？
係就好啊！咁就輪到阿棟接棒，當然，如果阿棟有得部署就一定跑谷草一哩，貪佢對手弱衝程短，啱晒呢匹馬能力同特性。
明晚（26日）谷草第九場三班1200米，「問鼎高峰」重返第三班上陣大家都會避之則吉，但阿棟就認為仲有機會贏多場，事關今場對手好似唔少但都各有缺點。
而呢匹高廐馬就再有內檔之助，有銀分又有A級作戰狀態，一定要跟多次，輸咗就真係要坐馬監啦！